ကလေးမြို့တွင် ကိုဗစ်-၁၉ ရောဂါဖြစ် လူတစ်ဦးသေဆုံး

ကလေးမြို့ ချမ်းမြေ့အောင်စည်ရပ်ကွက်တွင် ကိုဗစ်လူနာရှိတဲ့အိမ်မှာ Home Quarantine လုပ်ထားစဉ် အသက် (၈၂)အရွယ်အမျိုးသားတစ်ဦးဟာ မနေ့ညကသေဆုံးသွားကြောင်းသတင်းရရှိပါတယ်။

သေဆုံးသွားတဲ့ ယင်းအမျိုးသားရဲ့ swab ကိုယူကာ ကလေးမြို့တွင်စစ်ဆေးရာ ဒီနေ့ညနေပိုင်းတွင် ကိုဗစ်-၁၉ Positive ဖြစ်ကြောင်း အဖြေထွက်လာခဲ့ပါတယ်။

ကလေးမြို့ ကိုဗစ်ကော်မတီ သတင်းနဲ့ပြန်ကြားရေးကော်မတီက တာဝန်ခံ ကိုသန့်စင်က “သူက ကိုဗစ်-၁၉ရောဂါလူနာရှိတဲ့ Home Quarantine လုပ်ထားတဲ့အိမ်ကပါ။ သေဆုံးပြီးတော့ swab ယူထားပြီးစစ်ဆေးပါတယ်။ သေတာက မနေ့ကည သခေါင်လောက်ကသေသွားတယ်” လို့ပြောပါတယ်။

၎င်းဟာ ကလေးမြို့တွင် ကိုဗစ်-၁၉ ရောဂါကြောင့် သေဆုံးသွားတဲ့ ပထမဆုံး လူနာဖြစ်ပါတယ်။ လက်ရှိ ကလေးမြို့တွင် ကိုဗစ်-၁၉ ရောဂါလူနာ (၅၃)ဦးရှိပြီး တိုင်းရင်းဆေးရုံနဲ့ အိတ်စွပ်ပြည်သူ့အငှားအိမ်ရာတွင် ကုသစောင့်ရှောက်လျက်ရှိပါတယ်။

နောက်ဆုံးရသတင်း