ကလေးမြို့အနောက်ဘက် လှိုင်သာယာရပ်ကွက်တွင် ရေတွင်းရေခမ်းလို့ ရေအလှူပေးနေရ

ကလေးမြို့အနောက်ဘက် ကလေးတက္ကသိုလ်ကျောင်းအဝင်တဝိုက်က လှိုင်သာယာရပ်ကွက်တွင် အရင်တစ်ပတ်ကစပြီး ရေတွင်းရေခမ်းလို့ ကလေးလွင်ပြင်အဖွဲ့က ရေသွားလှူနေရတယ်လို့သတင်းရရှိပါတယ်။

အခု ရေခမ်းက နေရာကတော့ လှိုင်သာယာရပ်ကွက် နယ်မြေ ၂၊ ၃၊ ၄ ကဖြစ်ပြီး ၎င်းတို့ရေတွင်းဟာ အနက်ပေ ၄၀ လောက်ရှိပါတယ်။

ကလေးလွင်ပြင်အဖွဲ့မှ ကိုတင်အောင်ဆင့်က “သူတို့က ရွေးကောက်ပွဲမတိုင်ခင်ကတည်းက ရေခမ်းနေတာ။ အခုမှပဲ ရေလာလှူဖို့လာတောင်းတာ။ ဒီနေ့ကစပြီး ကားတစ်စီးစာရေသွားလှူတယ်။ ဒါတောင်မှ ရေကမလောက်ဘူး။ မနက်ဖြန်ကျရင်ပြန်လာခဲ့မယ်ပြောထားတယ်။ ကားဆီဖိုးကတော့ စင်ကာပူနဲ့ ကလေးကနေ တစ်ပတ်စာလောက်ရထားပြီ” လို့ပြောပါတယ်။

ကလေးမြို့ဟာ ပုံမှန်ဆိုရင် ဧပြီလတွင် ရေတွင်းရေခမ်းတတ်ပေမယ့် ၂၀၁၅ ရေကြီးပြီးနောက် မြေအောက်ရေကြောပြောင်းလာတာကြောင့် အမြှင့်ပိုင်း ချင်းတောင်ခြေမှာရှိတဲ့နေရာတွေဟာ အချိန်အခါမဟုတ် ရေခမ်းတတ်ပါတယ်။

နောက်ဆုံးရသတင်း