ကလေးမြို့ စိန်တည်းခိုခန်း မန်နေဂျာကို သတ်ပြီး ဆွဲကြိုးနဲ့ ဆိုင်ကယ်လုယူထွက်ပြေးသူဖမ်းမိ

ကလေးမြို့ စိန် တည်းခိုခန်း မန်နေဂျာ ဦးစံဌေးကို ဓားနဲ့ထိုးသတ်ပြီး ဆိုင်ကယ်နဲ့ ဆွဲကြိုးလုယူထွက်ပြေးသူ ဦးသိန်းထိုက်ဝင်း (၄၂နှစ်)အား တမူးမြို့တွင် ဇန်နဝါရီ (၁၄)ရက်တွင် ဖမ်းမိသွားပြီလို့သတင်းရရှိပါတယ်။

ဖြစ်စဉ်မှာ ဦးသိန်းထိုက်ဝင်းဟာ လုယူသွားတဲ့ ရွှေဆွဲကြိုးကို တမူးမြို့ ဈေးတန်း (၅) တရားဝင်အပေါင်ဆိုင်၌ သွားရောက်ပေါင်နှံကြောင်းသတင်းရရှိသဖြင့် ဈေးတန်းအုပ်ချုပ်ရေးအဖွဲ့နှင့်စန္ဒာကူးအုပ်ချုပ်ရေးအဖွဲ့များ မြို့မရဲတပ်ဖွဲ့များနှင့် ကလေးမြို့ ရဲတပ်ဖွဲ့များ ပူးပေါင်းကာ ၎င်းနေထိုင်ရာ စန္ဒားကူးရပ်ကွက်တွင်သွားရောက်ဖမ်းဆီးခဲ့ခြင်းဖြစ်ပါတယ်။

ကိုသိန်းထိုက်ဝင်းဟာ စိန်တည်းခိုခန်းတွင် တည်းခိုလာတာ တစ်လခန့်ရှိပြီး တည်းခိုခန်းခပေးဖို့ ပိုက်ဆံရစရာရှိ၍ သွားယူဖို့ မန်နေဂျာကိုအကူအညီတောင်းရာမှ မန်နေဂျာကို ဇန်နဝါရီလ (၁၀) ည (၈)နာရီခန့်တွင် ကလေးမြို့နယ် အိတ်စွတ်ကျေးရွာနဲ့ သင်္ဘောပင်ကွင်းကျေးရွာကြား လမ်းမဘေးတွင်ထိုးသတ်ပြီးထွက်ပြေးသွားတာဖြစ်ပါတယ်။

https://zalen.info/%e1%80%80%e1%80%9c%e1%80%b1%e1%80%b8%e1%80%99%e1%80%bc%e1%80%ad%e1%80%af%e1%80%b7%e1%80%90%e1%80%bd%e1%80%84%e1%80%ba-%e1%80%90%e1%80%8a%e1%80%ba%e1%80%b8%e1%80%81%e1%80%ad%e1%80%af%e1%80%81%e1%80%94/?fbclid=IwAR0RA_VyMxQc-cOSwrb-eG0Lwsw4Qf0s-hPSB58BfKK4s4tf69EeWAcT2sE

ကိုသိန်းထိုက်ဝင်းဟာ ၂၀၁၃ ခုနှစ်က ကလေးမြို့ သစ်တောရုံးက တောခေါင်းတစ်ယောက်ကိုသတ်ခဲ့တာကြောင့် ထောင်ချခံရပြီး မကြာသေးခင်က ထောင်မှလွတ်မြောက်လာတာဖြစ်ပါတယ်။