ချင်းပြည်နယ် U-12 အသင်းနဲ့ မကွေးအသင်း မနက်ဖြန် Semi-Final ကစားမယ်

တိုင်းနဲ့ပြည်နယ် U-12 ဘောလုံးပြုင်ပွဲမှာ ချင်းအသင်းက ကွာတားဖိုင်နယ်တွင် ကရင်ပြည်နယ်ကို ၃း၁ ဂိုးဖြင့် အနိုင်ရသဖြင့် ဆီမီးဖိုင်နယ်ကစားခွင့်ရရှိသွားပါတယ်။

ယင်းဘောလုံးပြိုင်ပွဲဟာဆိုရင် မြန်မာနိုင်ငံ ဘောလုံးအဖွဲ့ချုပ်နဲ့ ပညာရေးဝန်ကြီးဌာန ပူးပေါင်းပြီး ရန်ကုန်မြို့ရှိ မြန်မာဘောလုံးအကယ်ဒမီ  မြက်ခင်းတုကွင်းမှာ ကျင်းပနေတာဖြစ်ပါတယ်။

ချင်းပြည်နယ် U-12 အသင်းသားတွေနဲ့အတူ ဘောလုံးအဖွဲ့ချုပ်ဥက္ကဌဦးဇော်ဇော်၊ Chinland FC မိသားစုများအားတွေ့ရစဉ်(Photo: Chinland FC)

ချင်းပြည်နယ် U-12 အသင်းရဲ့ နည်းပြကတော့ ဆရာဦးကီးလိန်းဖြစ်ပြီး ၎င်းဦးဆောင်မှုနဲ့ ချင်းအသင်းက ကချင်ကို(၃း၁)ဂိုး၊ မန္တလေးကို (၂းဝ)ဂိုး၊ ရန်ကုန်ကို (၃း၁)ဂိုး၊ ကရင်ကို(၃း၁)ဂိုးဖြစ်အနိုင်ရရှိခဲ့ပါတယ်။ ယင်းကစားသမားတွေဟာ ချင်းပြည်နယ်ကိုယ်စား မင်းတပ်မြို့နယ် ကစားသမားတွေလာရောက်ယှဉ်ပြိုင်တာဖြစ်တယ်။

ဆီမီးဖိုင်နယ်ကိုတော့ ဒီဇင်ဘာ (၁၂) ညနေ (၄)နာရီမှာ မကွေးအသင်းနဲ့ သုဝဏ္ဏမြက်ခင်းတုကွင်းမှာကစားမှာဖြစ်ပြီး ဗိုလ်လုပွဲကို ဒီဇင်ဘာ (၁၄)ရက် ညနေ (၄)နာရီမှာ ကစားမှာဖြစ်ပါတယ်။

ဆီမီးဖိုင်နယ်တက်ခွင့်ရတဲ့ ချင်းပြည်နယ် U-12 အသင်းသားတွေကို Chinland FC၊ နဲ့ Chin United FC တာဝန်ရှိသူတွေက လာရောက်အားပေးကြတယ်။