တမူးမြို့တွင် မျက်နှာချင်းဆိုင်ယာဉ်တိုက်မှုဖြစ်ရာ သုံးဦးသေဆုံး

တမူးမြို့တွင် မျက်နှာချင်းဆိုင်ယာဉ်တိုက်မှုဖြစ်ရာ သုံးဦးသေဆုံး

စစ်ကိုင်းတိုင်းဒေသကြီး၊ တမူးမြို့ စော်ဘွားအင်းရပ်ကွက် မြို့အဝင် ဒန်ကိုဆီဆိုင်ရှေ့တွင် မော်တော်ဆိုင်ကယ်နဲ့ သုံးဘီးယာဉ်တို့ မျက်နှာချင်းဆိုင်ယာဉ်တိုက်မှုဖြစ်ရာ အခင်းဖြစ်ပွားတဲ့နေရာတွင် သုံးဦးသေဆုံးပြီး တစ်ဦးဒဏ်ရာပြင်းထန်စွာရရှိထားတယ်လို့သတင်းရရှိပါတယ်။

ဇူလိုင်လ ၁ ရက်နေ့ ညနေ (၇)နာရီခွဲခန့်တွင် တမူးမြို့မှ ကလေးမြို့ဘက်သို့ KENBO -125 ဆိုင်ကယ်ကို မောင်နိုင် (ခ)ပေါက်စီကမောင်းနှင်ပြီး နောက်တွင် ကျော်သူ (ခ)ကာသစ်တို့စီးနှင်းလာတဲ့ဆိုင်ကယ်နဲ့ ဝင်းနိုင် (၄၃ နှစ်)မောင်းနှင်လာတဲ့ သုံးဘီးယာဉ်နဲ့နောက်တွင် မျိုးညွှန့် (၃၄ နှစ်) တို့စီးနှင်းတဲ့ယာဉ်တို့ဟာ ဒန်ကိုဆီဆိုင်ရှေ့တွင် မျက်နှာချင်းဆိုင် ယာဉ်တိုက်မှုဖြစ်ပွားခဲ့ပါတယ်။ ဒါကြောင့် ဆိုင်ကယ်ပေါ်မှ အမျိုးသား နှစ်ဦးနဲ့ သုံးဘီးပေါ်မှယာဉ်မောင်းတို့ဟာ အခင်းဖြစ်တဲ့နေရာမှာဒဏ်ရာများဖြင့်သေဆုံးသွားပါတယ်။ သုံးဘီးပေါ်တွင်ပါလာတဲ့ မျိုးညွှန့်မှာ ဝဲဘက်ဂျိုစောင်း နှစ်လက်မခန့်ပေါက်ပြဲဒဏ်ရာ၊ ဝဲဘက်ပါးဖူးရောင်ဒဏ်ရာတို့ရရှိခဲ့ပြီး ပြည်သူ့ဆေးရုံတွင် ကုသလျက်ရှိပါတယ်။