တီးတိန်မြို့မှာ စစ်တပ်သိမ်းထားတဲ့မြေ ဧက(၄၀)ပြန်လည်စွန့်လွတ်မယ်

တီးတိန်မြို့ စကောလမ်းရပ်ကွက်မှာရှိတဲ့ အမှတ်(၂၆၉)ခြေလျင်တပ်ရင်းက ၁၉၉၆ ခုနှစ်မှာသိမ်းထားတဲ့မြေတွေထဲမှ ဧက(၄၀)ကို ပြန်လည်စွန့်လွတ်မယ်လို့ သြဂုတ်လ(၁၈)ရက်မှာ မြို့နယ်လယ်ယာမြေနှင့်အခြားမြေများသိမ်းဆည်းခံရမှုများ ပြန်လည်စိစစ်ရေးကော်မတီကအမိန့်ကြော်ငြာစာ ထုတ်ပြန်ထားပါတယ်။

ယင်းကြောင့် မူလအိမ်မြေကွက်ချထားခံရသူရှိပါက သြဂုတ်လ(၁၈)ရက်မှ (၂၄)ရက်ထိ ခိုင်လုံတဲ့ပိုင်ဆိုင်မှုအထောက်အထားစာရွက်စာတမ်းနဲ့အတူ  မြို့နယ်လယ်ယာမြေနှင့်အခြားမြေများသိမ်းဆည်းခံရမှုများ ပြန်လည်စိစစ်ရေးကော်မတီထံသို့ လာရောက်သတင်းဖို့ရန်နဲ့ တကယ်လို့ သြဂုတ်လ(၂၄)ရက်ထိ တရားဝင်မြေပိုင်ဆိုင်မှုအထောက်အထား၊ စာရွက်စာတမ်းများနဲ့အတူတင်ပြနိုင်ခြင်းမရှိရင် မြေကွက်ပြန်လည်လွှဲပြောင်းနိုင်ရေး လုံးဝ(လုံးဝ)လက်ခံဆောင်ရွက်ပေးမှာမဟုတ်ကြောင်း အမိန့်ကြော်ငြာစာတွင်ဖော်ပြထားပါတယ်။

၁၉၉၆ ခုနှစ်တွင် အမှတ်(၂၆၉)ခြေလျင်တပ်ရင်းက တီးတိန်မြို့မှာ ကားဂိုဒေါက်တွက်ဟုဆိုကာ မြေဧက(၄၀၀)သိမ်းဆည်းထားပါတယ်။

တီးတိန်မြို့နယ်လယ်ယာမြေနှင့်အခြားမြေများသိမ်းဆည်းခံရမှုများ ပြန်လည်စိစစ်ရေးကော်မတီက တာဝန်ခံ U Sangthanvela(ဦးဆန်ထန်ဗာလ်လာ)က “မူလမြေပိုင်ရှင်တွေရဲ့ စာရင်းကို ကျနော်တို့စုံစမ်းနိုင်သလောက်စုံစမ်းကြည့်တော့ (၂၅)ယောက်က ဧက(၈ ဒသမ ၅၁) ပိုင်ဆိုင်တဲ့စာရင်းတော့ရသွားပြီ။ တခြားလူတွေကတော့ အထောက်အထားတွေလာမပေးကြသေးဘူး”လို့ပြောပါတယ်။