တီးတိန်မြို့မှာ (၅)ရက်အတွင်း တစ်နေ့ နှစ်နာရီသာ မီးရမယ်

တီးတိန်မြို့မှာ ရေအားလျှပ်စစ်ပေးတဲ့မြောင်းကိုပြုပြင်မှာဖြစ်တဲ့တွက် မေလ(၂၄)ရက်မှ (၂၉)ရက်ထိ တစ်နေ့ကို နှစ်နာရီသာ မီးရမယ်လို့တီးတိန်မြို့နယ် လျှပ်စစ်အင်ဂျင်နီယာရုံးက မေလ(၂၄)ရက်ကထုတ်ပြန်ထားပါတယ်။

တီးတိန်မြို့ကို အဓိကမီးပေးတဲ့ ဇလွီးမြောင်းဟာ ၂၀၁၇ ခုနှစ် အောက်တိုဘာ(၃၀)ရက်က ပေ (၁၀၀)ကျိုးအက်ပျက်စီးသဖြင့် အရေးပေါ်ယာယီပြုပြင်ထားပြီး အခုသဘာဝဘေးခံနိုင်အောင် ပြုပြင်မှာဖြစ်တဲ့တွက် ဟိုင်ကျင်းရေမြောင်းကနေ အနည်းငယ်ဝင်လာတဲ့ရေအားနဲ့ မြို့မီးပေးမှာဖြစ်တယ်လို့ထုတ်ပြန်ထားပါတယ်။

၂၀၁၇ ခုနှစ်တုန်းက ဇလွီးမြောင်းပျက်စီးမှုအားမြင်တွေ့ရစဉ်