ထွေ/အုပ် ဦးစီးဌာနကို စစ်တပ်လက်အာက်သို့ ပြန်ပြောင်း

အထွေထွေအုပ်ချုပ်ရေးဦးစီးဌာနကို ပြည်ထဲရေးဝန်ကြီးဌာနအောက်သို့ ပြန်လည် ပြောင်းရွှေ့ ပြင်ဆင်ဖွဲ့စည်းလိုက်ကြောင်း အာဏာသိမ်းစစ်ကောင်စီက မေ ၅ ရက် ရက်စွဲနဲ့ ကြေညာလိုက်ပါတယ်။

ဖွဲ့စည်းပုံအခြေခံဥပဒေပုဒ်မ ၄၁၉ အရ ပြည်ထောင်စုအစိုးရအဖွဲ့ရုံးဝန်ကြီးဌာနမှ အထွေထွေအုပ်ချုပ်ရေးဦးစီးဌာနအား ပြည်ထဲရေးဝန်ကြီးဌာနသို့ ပြောင်းရွှေ့ပြင်ဆင်ဖွဲ့စည်း လိုက်တာဖြစ်ကြောင်း စစ်ကောင်စီအတွင်းရေးမှူး အောင်လင်းဒွေး ဒုဗိုလ်ချုပ်ကြီး အမိန့်နဲ့ ထုတ်ပြန်ထားတာဖြစ်ပါတယ်။

အန်အယ်လ်ဒီအစိုးရလက်ထက် ၂၀၁၈ ခုနှစ် ဒီဇင်ဘာ ၂၈ ရက်က အထွေထွေ အုပ်ချုပ်ရေးဦးစီးဌာနကို ပြည်ထဲရေးဝန်ကြီးဌာနအောက်မှ ပြည်ထောင်စုအစိုးရအဖွဲ့ရုံး ဝန်ကြီးဌာန အောက်သို့ ပြောင်းရွှေ့ထည့်သွင်းခဲ့တာဖြစ်ပါတယ်။