ထန်တလန်မြို့ပေါ်ကလူဦးရေ တစ်ထောင်ဝန်းကျင်ဘေးလွတ်ရာသို့ထွက်ပြေးတိမ်းရှောင်

ချင်းပြည်နယ်၊ ထန်တလန်မြို့ပေါ်တွင်တိုက်ပွဲဖြစ်ပွားလျက်ရှိတာကြောင့် မြို့ပေါ်ကလူဦးရေ တစ်ထောင်ဝန်းကျင်ဟာ ဘေးလွတ်ရာကျေးရွာဘက်သို့ ထွက်ပြေးတိမ်းရှောင်နေတယ်လို့သတင်းရရှိပါတယ်။

သြဂုတ်လ ၂၄ ရက်က မြို့ထဲပစ်ခတ်မှုဖြစ်ပွားပြီးနောက် မြို့ပေါ်ကပြည်သူတွေထွက်ပြေးကြပြီး စက်တင်ဘာလဆန်းပိုင်းက မြို့ထဲထပ်မံပစ်ခတ်မှုဖြစ်ပွားတာကြောင့်ထပ်မံထွက်ပြေးကြပါတယ်။

ထန်တလန်မြို့နယ်စစ်ဘေးရှောင်နေရာချထားရေးကော်မတီတာဝန်ခံ ဆလိုင်းလျန်က “သြဂုတ်လပစ်ခတ်တုန်းက နည်းနည်းလေးထွက်ပြေးကြတယ်။ မနေ့တနေ့မှာ အတော်များများပြေးလာကြတယ်။ ခုလည်း ထွက်ပြေးဖို့ပြင်ဆင်နေတဲ့သူတွေအများကြီးရှိတယ်။ ကျနော်တို့စာရင်းကောက်ထားတာ ၈၀၀ ကျော်ရှိပြီ။ စာရင်းမကောက်သေးတဲ့နေရာတွေလည်းအများကြီးကျန်သေးတယ်။ မြို့ထဲက ၃ပုံ ၁ ပုံတော့ထွက်ပြေးကြပြီ။ သူတို့က မြို့ကနေ မိုင် ၂၀၊ ၃၀ ဝေးတဲ့ရွာတွေမှာပြေးကြတာ။ ခုထိတော့ ရွာထဲကအသီးအနှံတွေနဲ့သူတို့ပါလာတဲ့ရိက္ခာနဲ့စားနေကြတယ်။ ကြာလာရင်တော့ စားရေးသောက်ရေးအတွက်အလွယ်လောက်ဘူး” လို့ပြောပါတယ်။

စက်တင်ဘာ ၉ ရက်နေ့လည်က ထန်တလန်မြို့ထဲမှာ တိုက်ပွဲဖြစ်ပွားလို့ လသားအရွယ်ကလေးတစ်ယောက်အပါအဝင် အရပ်သား ၄ ဦးဒဏ်ရာရရှိပြီး စစ်ကောင်စီဘက်က ၂ ဦးသေဆုံးတယ်လို့ CDF Thantlang ကထုတ်ပြန်ထားပါတယ်။

မနေ့ စက်တင်ဘာ ၁ဝရက်က စစ်ကောင်စီတပ်က ဂျက်လေယာဉ်နဲ့ ဗုံးကျဲတိုက်ခိုက်တဲ့ လုံလဲရ်ကျေးရွာနဲ့အနီးတဝိုက်ကကျေးရွာက ပြည်သူ ၂၀၀ ကျော်ဟာ အိန္ဒိယနိုင်ငံ မီဇိုရမ်းပြည်နယ်ဘက်သို့ ထွက်ပြေးတိမ်းရှောင်ကြပါတယ်။ မီဇိုရမ်းပြည်သူတွေကလည်း စစ်ဘေးရှောင်တွေအတွက် ဝါးအိမ်လေးတွေဆောက်ပေးကြပါတယ်။

Zawgyi

ထန္တလန္ၿမိဳ႕ေပၚကလူဦးေရ တစ္ေထာင္ဝန္းက်င္ေဘးလြတ္ရာသို႔ထြက္ေျပးတိမ္းေရွာင္

ခ်င္းျပည္နယ္၊ ထန္တလန္ၿမိဳ႕ေပၚတြင္တိုက္ပြဲျဖစ္ပြားလ်က္ရွိတာေၾကာင့္ ၿမိဳ႕ေပၚကလူဦးေရ တစ္ေထာင္ဝန္းက်င္ဟာ ေဘးလြတ္ရာေက်းရြာဘက္သို႔ ထြက္ေျပးတိမ္းေရွာင္ေနတယ္လုိ႔သတင္းရရွိပါတယ္။

ၾသဂုတ္လ ၂၄ ရက္က ၿမိဳ႕ထဲပစ္ခတ္မႈျဖစ္ပြားျပီးေနာက္ ၿမိဳ႕ေပၚကျပည္သူေတြထြက္ေျပးၾကၿပီး စက္တင္ဘာလဆန္းပိုင္းက ၿမိဳ႕ထဲထပ္မံပစ္ခတ္မႈျဖစ္ပြားတာေၾကာင့္ထပ္မံထြက္ေျပးၾကပါတယ္။

ထန္တလန္ၿမိဳ႕နယ္စစ္ေဘးေရွာင္ေနရာခ်ထားေရးေကာ္မတီတာဝန္ခံ ဆလုိင္းလ်န္က “ၾသဂုတ္လပစ္ခတ္တုန္းက နည္းနည္းေလးထြက္ေျပးၾကတယ္။ မေန႔တေန႔မွာ အေတာ္မ်ားမ်ားေျပးလာၾကတယ္။ ခုလည္း ထြက္ေျပးဖို႔ျပင္ဆင္ေနတဲ့သူေတြအမ်ားၾကီးရွိတယ္။ က်ေနာ္တုိ႔စာရင္းေကာက္ထားတာ ၈၀၀ ေက်ာ္ရွိၿပီ။ စာရင္းမေကာက္ေသးတဲ့ေနရာေတြလည္းအမ်ားၾကီးက်န္ေသးတယ္။ ၿမိဳ႕ထဲက ၃ပံု ၁ ပံုေတာ့ထြက္ေျပးၾကၿပီ။ သူတို႔က ၿမိဳ႕ကေန မိုင္ ၂၀၊ ၃၀ ေဝးတဲ့ရြာေတြမွာေျပးၾကတာ။ ခုထိေတာ့ ရြာထဲကအသီးအႏွံေတြနဲ႔သူတို႔ပါလာတဲ့ရိကၡာနဲ႔စားေနၾကတယ္။ ၾကာလာရင္ေတာ့ စားေရးေသာက္ေရးအတြက္အလြယ္ေလာက္ဘူး” လို႔ေျပာပါတယ္။

စက္တင္ဘာ ၉ ရက္ေန႔လည္က ထန္တလန္ၿမိဳ႕ထဲမွာ တိုက္ပြဲျဖစ္ပြားလို႔ လသားအရြယ္ကေလးတစ္ေယာက္အပါအဝင္ အရပ္သား ၄ ဦးဒဏ္ရာရရွိၿပီး စစ္ေကာင္စီဘက္က ၂ ဦးေသဆံုးတယ္လို႔ CDF Thantlang ကထုတ္ျပန္ထားပါတယ္။

မေန႔ စက္တင္ဘာ ၁၀ရက္က စစ္ေကာင္စီတပ္က ဂ်က္ေလယာဥ္နဲ႔ ဗံုးက်ဲတိုက္ခိုက္တဲ့ လံုလဲရ္ေက်းရြာနဲ႔အနီးတဝိုက္ကေက်းရြာက ျပည္သူ ၂၀၀ ေက်ာ္ဟာ အိႏိၵယႏိုင္ငံ မီဇိုရမ္းျပည္နယ္ဘက္သို႔ ထြက္ေျပးတိမ္းေရွာင္ၾကပါတယ္။ မီဇိုရမ္းျပည္သူေတြကလည္း စစ္ေဘးေရွာင္ေတြအတြက္ ဝါးအိမ္ေလးေတြေဆာက္ေပးၾကပါတယ္။