ပလက်ဝမြို့နယ်တိုက်ပွဲကြောင့် ကုလက်ချောင်းနှစ်ခြင်းခရစ်ယာန်ဧရိယာ သင်းလုံးကျွတ်အစည်းအဝေးမှာကိုယ်စားလှယ်ထက်ဝက်ခန့်မလာနိုင်

 

ပလက်ဝမြို့နယ်တိုက်ပွဲကြောင့် ကုလက်ချောင်းနှစ်ခြင်းခရစ်ယာန်ဧရိယာ သင်းလုံးကျွတ်အစည်းအဝေးမှာကိုယ်စားလှယ်ထက်ဝက်ခန့်မလာနိုင်
ပလက်ဝမြို့နယ်မှာ တပ်မတော်နဲ့ အေအေကြားတိုက်ပွဲဖြစ်ပွားနေတာကြောင့် ယင်းနယ်မြေမှာရှိတဲ့ ကုလက်ချောင်းနှစ်ခြင်းခရစ်ယာန်ဧရိယာ သင်းလုံးကျွတ်အစည်းအဝေးမှာကိုယ်စားလှယ် (၂၀၀)ကျော်လာရောက်ဖို့ခန့်မှန်းထားပေမယ့် (၄၀)ကျော်သာလာရောက်နိုင်ပါတယ်။
သုံးနှစ်တစ်ကြိမ်ကျင်းပတဲ့ သင်းလုံးကျွတ်အစည်းအဝေးကို ဇန်နဝါရီလ (၁၀)ရက်ကနေ (၁၃)ရက်ထိ ကုလားတန်မြစ်အထက်ဘက် မီးဇာကျေးရွာနှစ်ခြင်းအသင်းတော်မှာကျင်းပတယ်။

မီးဇာေက်းရြာထဲမွ တပ္မေတာ္သားတစ္ဦး ဇန္နဝါရီ (၁၁)ရက္နံနက္ပိုင္းမွာ ျဖတ္သြားေနစဥ္

ဒီအစည်းအဝေးနဲ့ပတ်သက်ပြီး ကုလက်ချောင်းနှစ်ခြင်းခရစ်ယာန်ဧရိယာအတွင်းရေးမှူးလည်းဖြစ် မီးဇာကျေးရွာ နှစ်ခြင်းအသင်းတော်ရဲ့ သင်းအုပ်ဆရာတော် သိက္ခတော်ရဆရာတော် အောင်စိုးက အခုလိုပြောလိုက်ပါတယ်။
“အခု တိုက်ပွဲအခြေအနေကြောင့် အသင်းတော်အချို့လာရောက်ဖို့အခက်အခဲဖြစ်နေပါတယ်။ ပေါက်တူးဝ၊ အုန်းသီးဝ၊ ရေချမ်းသာ၊ စူရန်ပူ၊ ဒူးချောင်းဝ ကျေးရွာတွေဟာဆို စစ်တပ်က မသွားနဲ့လို့ဆိုတဲ့တွက်ကြောင့် အစည်းအဝေးမရောက်လာနိုင်ဘူး။ ဒါ့ပြင် လောင်းချန်၊ စပ်ချန်၊ ဖင်ဝ အသင်းတော်တွေကျတော့ အေအေတွေက မသွားနဲ့ဆိုတဲ့ပိတ်ပင်မှုကြောင့် မရောက်လာနိုင်ဘူး။ မသွားခိုင်းတဲ့အကြောင်းရင်းက တိုက်ပွဲဖြစ်နေတာကြောင့် စစ်တပ်နှစ်ခုကြားမှာကြားညှပ်မှာစိုးတယ်လို့ပြောပါတယ်။ ဒီအစည်းအဝေးဟာ အနာဂတ်သာသနာရေးဘယ်လိုလုပ်ဆောင်မလဲဆိုတာ ဆွေးနွေးရမယ့်အစည်းအဝေးဖြစ်ပါတယ်။ အခုကိုယ်စားလှယ်လူဦးရေကထက်ဝက်မကျော်တာကြောင့် အစည်းအဝေးတော့မဖြစ်မြောက်ပေမယ့် ကျနော်တို့ ပလက်ဝမြို့နယ် ကုလက်ချောင်းနှစ်ခြင်းခရစ်ယာန်ဧရိယာမှာ စစ်အခြေအနေဘယ်လိုဖြစ်လာမလဲဆိုတာ မသိတဲ့တွက်ချွန်းချက်အနေနဲ့ ဆက်လက်ကျင်းပမှာဖြစ်ပါတယ်။ အခုတော့ နိုင်ငံရေးက ဘာသာရေးလွတ်လပ်ခွင့်ကို တော်တော်ထိခိုက်သွားတယ်လို့ပြောမယ်။ နောက်နောင်မှာ ဒီလိုမျိုးသာဘာရေးပွဲတွေအရှုပ်အယှက်မရှိအောင်သက်ဆိုင်ရာလူကြီးတွေနည်းနည်းပါးပါးတာဝန်ယူပေးစေချင်တယ်”လို့ သိက္ခတော်ရဆရာတော် အောင်စိုးကပြောကြားတယ်။
ဇန်နဝါရီလ (၁၀)ရက်မှာ မီးဇာကျေးရွာကနေ (၅)မိုင်ခန့်အကွာ ကျွန်းချောင်းဝရွာအနီးမှာ အေအေတပ်သားတွေက မီးဇာရွာသား လေးဦးကို နှစ်နာရီကျော်ကြားဖမ်းဆီးပြီး ဓာတ်ပုံတွေရိုက်ကာ ဖုန်းတွေလုယူခဲ့ပါတယ်။ ဒါကြောင့် တပ်မတော်က ဇန်နဝါရီလ (၁၁)ရက်မနက်ပိုင်းမှာ မီးဇာကျေးရွာမှ တစ်မိုင်ခန့်အကွာ ထရွှန်အိုင်ရွာတပ်စခန်းကနေ အေအေတွေရှိတဲ့နေရာကို လက်နက်ကြီးတွေနဲ့ပစ်ခတ်ပါတယ်။