မင်းတပ်မြို့နယ် ဟီးလောင်းကျေးရွာမှာ တစ်ရွာလုံး ရာသီပေါ်တုပ်ကွေးမိ

မင်းတပ်မြို့နယ် ဟီးလောင်းကျေးရွာမှာ ရာသီပေါ်တုပ်ကွေးရောဂါဖြစ်လို့ (၇)ဦးကို မင်းတပ်ပြည်သူ့ဆေးရုံသို့ကုသနေပါတယ်။
စက်တင်ဘာ(၁၅)ရက်တွင် တုပ်ကွေးစတင်ဖြစ်ပွားပြီး လက်ရှိ ကျေးရွာကျောင်းလည်းပိတ်ထားကြပါတယ်။

ဟီးလောင်းကျေးရွာအုပ်စုတာဝန်ရှိသူတစ်ဦးက “ရောဂါက တစ်ရွှာလုံးလိုလိုဖြစ်တာ။ ဒါပေမယ့် စိုးရိမ်စရာတော့မရှိဘူး။ အများဆုံးက နှာစေးချောင်းဆိုးရယ်၊ (၇)ယောက်က နှာခေါင်းသွေးယိုလို့ မင်းတပ်ပြည်သူ့ဆေးရုံကိုပို့လိုက်ရတယ်။ အခုတော့ ကျန်းမာရေးဝန်ထမ်း(၁၄)ယောက်က ကုသနေတယ်”လို့ဆိုပါတယ်။
ဟီးလောင်းကျေးရွာဟာ အိမ်ခြေ(၇၃)အိမ်နဲ့ လူဦးရေ (၁၂၅)ဦးရှိပါတယ်။