မီဇိုရမ်ပြည်နယ် အိုင်ဇောလ်မြို့မှာ အိမ် လေးလုံးမြေပြိုပြီး ၅ ဦးသေဆုံး

မီဇိုရမ်ပြည်နယ် အိုင်ဇောလ်မြို့မှာ အိမ် လေးလုံးမြေပြိုပြီး ၅ ဦးသေဆုံး

အိန္ဒိယနိုင်ငံ မီဇိုရမ်ပြည်နယ် အိုင်ဇောလ်မြို့တော် ဒူရ်တလန်(durtlang)ရပ်ကွက်မှာ ဇူလိုင် ၂ ရက်နေ့ ညနေ ၅ နာရီခန့်တွင် လူနေအိမ် လေးလုံးမြေပြိုလို့ လူ ၅ ဦးသေဆုံးပြီး ၉ ဦးဒဏ်ရာရရှိသွားတယ်လို့သိရပါတယ်။

ခုတလော မီဇိုရမ်ပြည်နယ်မှာ မိုးသည်းထန်စွာရွာသွန်းသဖြင့် ယင်းလူနေအိမ်အပေါ်ဘက်တောင်ပေါ်ကနေ မြေပြိုပြီး ယင်းမြေစာတွေက အိမ်အောက်ထပ်သို့ဖိကျလာပါတယ်။ ဒဏ်ရာရရှိတဲ့သူတွေ ဆေးရုံသို့ပို့ဆောင်ပြီး ကယ်ဆယ်ရေးလုပ်ငန်းများဆက်လက်လုပ်ဆောင်နေပါတယ်။

ယနေ့တွင် မီဇိုရမ်ပြည်နယ် ဝန်ကြီးချုပ် ပူးဇိုးရမ်းထန်ငါက အခင်းဖြစ်ပွားတဲ့နေရာသို့သွားရောက်ကြည့်ရှုခဲ့ပါတယ်။

အခြေခံလူတန်းစားများနေအိမ်တစ်လုံးဟာ လေးလွှာစီရှိပြီး အိမ်တစ်လုံးတွင် မိသားစု ၁၆ စုနေထိုင်လို့ရပါတယ်။

ယင်းလူနေအိမ်တွေဟာ အခြေခံလူတန်းစားတွေနေထိုင်ဖို့တည်ဆောက်ထားတာဖြစ်ပြီး ၂၀၁၈ ခုနှစ် ဆန်းပိုင်းတွင်စတင်ဖွင့်လှစ်ခဲ့တာဖြစ်ပါတယ်။