မကွေးတိုင်းမှာ ချင်းပါတီသစ်တစ်ခုတည်ထောင်

မကွေးတိုင်းဒေသကြီး အောင်လံမြို့ကနေ “ဌာနေချင်းတိုင်းရင်းသားပါတီ”ကို့တည်ထောင်ဖို့ ဒီကနေ့(စက်တင်ဘာ ၂၇)ဆုံးဖြတ်လိုက်ပါပြီ။

ပါတီထူထောင်ရေး အစည်းအဝေးကို စက်တင်ဘာ (၂၆)နဲ့ (၂၇)ထိကျင်းပပြီး ပါတီမှတ်ပုံတင်ကို အောက်တိုဘာလတွင် ပြည်ထောင်စုရွေးကောက်ပွဲကေ်ာမရှင်ထံပြုလုပ်သွားမယ်လို့သိရပါတယ်။

ပါတီထူထောင်ရေးဦးဆောင်ကော်မတီ ဥက္ကဌ ဆလိုင်အေးထွန်းမင်းက

ပါတီထူထောင်ရေးဦးဆောင်ကော်မတီ ဥက္ကဌ ဆလိုင်အေးထွန်းမင်းက “အခု မူဝါဒတွေရေးဆွဲထားပြီ။ တိုင်းပြည်ကို ဖက်ဒရယ်စနစ်နဲ့ထူထောင်တဲ့နေရာမှာ ပါဝင်နိုင်ဖို့ရည်ရွယ်ပါတယ်။ပြည်နယ်က ပါတီတွေနဲ့ မဟာမိတ်ဖွဲ့မယ်။ ဒီပွဲမှာတော့ အဓိက မကွေးနဲ့ရခိုင်က ချင်းကဦးဆောင်ပါတယ်။ နောက်ကျရင် ပဲခူးနဲ့ ရန်ကုန်ဘက်ကချင်းတွေလည်း ဆွဲခေါ်သွားမယ်။ ချင်းပြည်နယ် ပြင်ပမှာ အရှိုချင်းမဟုတ်တဲ့ တခြားချင်းမျိုးနွယ်စုတွေအများကြီးရှိတယ်။ အရှိုချင်းအမျိုးသားပါတီက အရှိုတစ်ခုကိုပဲ ကိုယ်စားပြုတယ်လို့ခံစားရတယ်ပေါ့။ ကျနော်တို့ကတော့ ပြည်နယ်ပြင်ပမှာရှိတယ် ချင်းမျိုးနွယ်စုအားလုံး ကိုယ်စားပြုတဲ့ပါတီပေါ့ဗျာ”လို့ပြောပါတယ်။

လက်ရှိ ချင်းနိုင်ငံရေးပါတီ(၃)ခုဟာ ပြန်လည်ပေါင်းစည်းဖို့ဆွေးနွေးဆုံးဖြတ်ထားပြီး စက်တင်ဘာ (၂၉)ရက်မှာ ပါတီပေါင်းစည်းရေးလက်မှတ်ရေးထိုးမှာဖြစ်ပါတယ်။