ရန်ကုန်မြို့ကနေ ၄ရက်ကြာပျောက်ဆုံးတဲ့ချင်းအမျိုးသမီး ဘားအံ့သို့ယောကျ်ားနောက်လိုက်

ရန်ကုန်မြို့ကနေ ၄ရက်ကြာပျောက်ဆုံးတဲ့ချင်းအမျိုးသမီး ဘားအံ့သို့ယောကျ်ားနောက်လိုက်

ကလေးမြို့နယ် ကနေ ရန်ကုန်မြို့တွင် ဖခင်လူနာစောင့်ဖို့ရောက်လာတဲ့ မရိစလင်ဟာ မေလ ၃ ရက်မနက်မှာ နေအိမ်ကနေအပြင်ထွက်ရာက ပြန်မလာတော့ပဲ ဒီမနက်မှာ ဘားအံ့သို့ယောကျ်ားနောက်လိုက်သွားတယ်လို့ မိဘတွေဆီဖုန်းနဲ့ဆက်သွယ်ပြောကြားပါတယ်။

မရိုစလင်(၁၉ နှစ်)ရဲ့ ဖခင်က “ဒီမနက်မှာ သမီးက ဖုန်းနဲ့ ဘားအံ့မှာ ယောကျ်ားနောက်လိုက်သွားတယ်လို့ပြောတယ်။ အဲ့မတိုင်ခင်တော့ သူသေပြီလို့ပဲယူဆတာ။ တက္ကသိုလ်တက်တုန်းဆိုတော့ သူ့မှာရည်းစားရှိ၊ မရှိမပြောရဲတာလည်းဖြစ်မယ်။ သူ့ယောကျ်ားရဲ့ အစ်ကိုတွေက ဘားအံ့မှာရှိတယ်။ သူတို့အိမ်မှာပဲနေကြတယ်တဲ့။ ယောကျ်ားက (၂၂ နှစ်)ရှိတယ်။ ပန်းရံလုပ်တယ်တဲ့။ မိဘတွေကတော့ ဖြူးမြို့မှာနေတယ်တဲ့” လို့ပြောပါတယ်။

မရိုစလင်ဟာ ကလေးတက္ကသိုလ်မှာ ဒုတိယနှစ်ကျောင်းသူဖြစ်ပြီး ဧပြီ (၂၉)ရက်မှာ ရန်ကုန်ရောက်လာပါတယ်။