သိုင်းငင်းရွာအနီးတွင် ကားလမ်းပေါ်မြေစာပြိုကျတာကြောင့် ကားအစီး (၁၀၀)ကျော်ပိတ်မိ

ကလေးမြို့မှ ချင်းတောင်တက်တဲ့ကားလမ်း မိုင် (၃၀) တွင် လမ်းပေါ်မှာ မြေစာတွေကျလာတာကြောင့် ခရီးသွားယာဉ် အစီး (၁၀၀)ကျော် မနေ့ညက စပြီး အခုထိ ပိတ်မိနေတယ်လို့သတင်းရရှိပါတယ်။

ယင်းမြေစာပုံကျတဲ့နေရာဟာ နှစ်တိုင်းကားလမ်းပျက်စီးတဲ့နေရာဖြစ်ပြီး ကလေးမြို့ဘက်က တက်တယ်ဆိုရင် သိုင်းငင်းရွာမရောက်ခင်မှာ ဖြစ်ပါတယ်။

ခရီးသွားအမျိုးသမီးတစ်ဦးက “လမ်းလုပ်သမားတွေက မနေ့ညကတည်းက မြေစာတွေပြိုနေပြီ်တဲ့။ စက်ကြီး ၅ စီးနဲ့မြေစာတွေ ခုထိ ရှင်းနေတုန်းပဲ။ အတက်ကားရော၊ အဆင်းကားပါအားလုံးပိတ်မိနေတယ်။ မိုးလည်းတအားရွာနေတယ်” လို့ပြောပါတယ်။