သီဘွာလ်တပ်စခန်းအနီး မြေမြုပ်မိုင်းကို နွားနောက်နှင်မိ၍ ဗုံး ၂ လုံးပေါက်ကွဲ

ဖလမ်းမြို့နယ် ဖလမ်း-ရိနယ်စပ်လမ်းမပေါ်မှာရှိတဲ့ သီဘွာလ်ကျေးရွာက တပ်စခန်းအပြင်ဘက်မှာ ထောင်ထားတဲ့မြေမြုပ်မိုင်းကို နွားနောက်တစ်ကောင်က မနေ့ စက်တင်ဘာ ၁၂ ရက်ည ၈ နာရီခန့်က နှင်မိ၍ ဗုံး ၂ လုံးပေါက်ကွဲသွားတယ်လို့သတင်းရရှိပါတယ်။

ဒေသခံရွာသားတစ်ဦးက “မနေ့ညက တပ်စခန်းဘက်ကနေ ဗုံးပေါက်ကွဲသံ ၂ ကြိမ်ကြားရတယ်။ ညအချိန်ဆိုတော့ ဘယ်သူမှအပြင်မထွက်ရဲကြဘူး။ မနက်မိုးလင်းတဲ့ချိန်မှာ သွားကြည့်တော့ ရွာသား ဦးအလ်ကြီးရဲ့နွားနောက်တကောင် စခန်းအဘက်ပြင်မှာ ဒဏ်ရာနဲ့သွားတွေ့တယ်။ နွားနောက်ကိုတော့ သတ်ကြတယ်” လို့ပြောပါတယ်။

သီဘွာလ်ကျေးရွာတွင် ရဲကင်းစခန်းနဲ့ တပ်စခန်းရှိပေမယ့် ရဲတွေအားလုံး CDM ပါဝင်ကြတာကြောင့် တပ်စခန်းမှာ စကစ တပ် ၁၀ ယောက်ဝန်းကျင်သာရှိတယ်လို့သိရတယ်။

(Zawgyi)

သီဘြာလ္တပ္စခန္းအနီး ေျမျမဳပ္မိုင္းကို ႏြားေနာက္ႏွင္မိ၍ ဗုံး ၂ လုံးေပါက္ကြဲ

ဖလမ္းၿမိဳ႕နယ္ ဖလမ္း-ရိနယ္စပ္လမ္းမေပၚမွာရွိတဲ့ သီဘြာလ္ေက်းရြာက တပ္စခန္းအျပင္ဘက္မွာ ေထာင္ထားတဲ့ေျမျမဳပ္မိုင္းကို ႏြားေနာက္တစ္ေကာင္က မေန႔ စက္တင္ဘာ ၁၂ ရက္ည ၈ နာရီခန႔္က ႏွင္မိ၍ ဗုံး ၂ လုံးေပါက္ကြဲသြားတယ္လို႔သတင္းရရွိပါတယ္။

ေဒသခံရြာသားတစ္ဦးက “မေန႔ညက တပ္စခန္းဘက္ကေန ဗုံးေပါက္ကြဲသံ ၂ ႀကိမ္ၾကားရတယ္။ ညအခ်ိန္ဆိုေတာ့ ဘယ္သူမွအျပင္မထြက္ရဲၾကဘူး။ မနက္မိုးလင္းတဲ့ခ်ိန္မွာ သြားၾကည့္ေတာ့ ရြာသား ဦးအလ္ႀကီးရဲ့ႏြားေနာက္တေကာင္ စခန္းအဘက္ျပင္မွာ ဒဏ္ရာနဲ႔သြားေတြ႕တယ္။ ႏြားေနာက္ကိုေတာ့ သတ္ၾကတယ္” လို႔ေျပာပါတယ္။

သီဘြာလ္ေက်းရြာတြင္ ရဲကင္းစခန္းနဲ႔ တပ္စခန္းရွိေပမယ့္ ရဲေတြအားလုံး CDM ပါဝင္ၾကတာေၾကာင့္ တပ္စခန္းမွာ စကစ တပ္ ၁၀ ေယာက္ဝန္းက်င္သာရွိတယ္လို႔သိရတယ္။

 

နောက်ဆုံးရသတင်းများ