ဟားခါးမြို့တွင် ၂၀၁၅မြေပြိုမှုအထိမ်းအမှတ်အဖြစ် လူ ၅ထောင်ဝင်ဆံ့တဲ့ ခန်းမကြီးတည်ဆောက်မယ်

ဟားခါးမြို့တွင် ၂၀၁၅ ခုနှစ်သဘာဝဘေးဒဏ်အောက်မေ့တဲ့နေနဲ့ လူ ၅ ထောင်ဝင်ဆံ့နိုင်တဲ့ Chin Convention Center ခန်းမကို ကိုဗစ်ကာလပြီးနောက် စတင်တည်ဆောက်တော့မယ်လို့ သတင်းရရှိပါတယ်။

အဆိုပါ ခန်းမဟာ ဟားခါးသစ်ရပ်ကွက်က ဟားခါးခရစ်ယာန်ဂိုဏ်းပေါင်းစုံမြေနေရာတွင် ပေ ၁၀၀ x ၆၀ အကျယ်အဝန်းနဲ့တည်ဆောက်ဖို့ ရည်မှန်းထားပါတယ်။

ယင်းခန်းမဟာ ပြည်တွင်းပြည်ပမှာနေထိုင်တဲ့ ချင်းနှစ်ခြင်းခရစ်ယာန်အသင်းဝင်တွေရဲ့ အလှူငွေနဲ့ အမေရိကန် ဒေါ်လာ ၂ ဒသမ ၅ ဘီလျံ (မြန်မာငွေ သိန်း ၃၀၀၀၀)နဲ့တည်ဆောက်မှာဖြစ်ပါတယ်။

ဟားခါးအခြေစိုက် CACC- Chin Association for Christian Communication ရဲ့အထွေထွေအတွင်းရေးမှူး သိက္ခာတော်ရဒေါက်တာ Za That က “၂၀၁၅ ခုနှစ် ဟားခါးမြေပြိုမှုကိုအောက်မေ့သတိရတဲ့အနေနဲ့ ဒီခန်းမကိုတည်ဆောက်ခြင်းဖြစ်တယ်။ ပြီးတော့ ချင်းတောင်မှာအိမ်ဆောက်ရင် အင်္ဂလိပ်ဒီဇိုင်း၊ ဗမာဒီဇိုင်းတွေပဲဆောက်ကြတော့ အခုခန်းမက ချင်းအိမ်ဆောက်တဲ့ဒီဇိုင်းနဲ့ဆောက်မှာပါ။ ချင်းအငွေ့အသက်အများဆုံးပုံဖော်နိုင်တဲ့ဒီဇိုင်းဖြစ်မှာပါ။ ခန်းမထဲမှာတော့ လူ ၃၀၀၀ ဆံ့မယ်။ ခန်းမအပြင်ဘက် ဗာရံဒါမှာတော့ လူ ၂ထောင်လောက်ဝင်ဆံ့မယ်။ ပြီးတော့ ကား အစီး ၂၀၀ လောက်ပါကင်ထိုးနိုင်အောင်လည်းစီစဉ်ထားတယ်” လို့ပြောပါတယ်။

ခန်းမတည်ဆောက်တဲ့ကာလဟာ ၃ နှစ်မှ ၄ နှစ်အထိကြာမြင့်မှာဖြစ်ပြီး ကိုဗစ်ကပ်ရောဂါလွန်ပြီးနောက် တင်ဒါခေါ်ယူဖို့စီစဉ်ကြပါတယ်။

နောက်ဆုံးရသတင်း