ဟားခါးမြို့သစ်စီမံကိန်းမှာ မီးကြိုးသွယ်နေတဲ့လူငယ်တွေကို ရဟတ်ယာဉ်ပေါ်ကနေ ပစ်ခတ်ဖြစ်ပွား

ဟားခါးမြို့ မြို့သစ်စီမံကိန်းဖော်ဆောင်တဲ့နေရာမှာ မီးကြိုးသွယ်တန်းနေတဲ့ လူငယ် ၂၀ ခန့်ကို စက်တင်ဘာ ၃ ရက် နေ့လည် ၁ နာရီလောက်က စစ်ကောင်စီတပ်တွေက မြေပြင်နဲ့ ရဟတ်ယာဉ်ပေါ်ကနေပါ သေနတ်နဲ့ပစ်ခတ်ကြတယ်လို့သတင်းရရှိပါတယ်။

ယင်းမြို့သစ်စီမံကိန်းဟာ NLD အစိုးရလက်ထက်က မြေဧက ၆၀၀ ပေါ်ဖော်ဆောင်ခဲ့တာဖြစ်ပြီး စစ်ကောင်စီအဖွဲ့က ဆက်လက်လုပ်ဆောင်ကြတာဖြစ်ပါတယ်။

မီးကြိုးသွယ်တန်းရာတွင်ပါဝင်တဲ့ ဟားခါးမြို့ လူငယ်တစ်ဦးက “လူကတော့ ၁၅၊ ၂၀ ယောက်လောက်ရှိမယ်။ စစ်သားတွေက ဘယ်လိုနဲ့ ငါတို့နားရောက်လာကြတာလဲဆိုတာမသိဘူး။ ငါတို့ကိုလာပစ်တာ နေ့လည် ၁ နာရီ ၁ နာရီခွဲကြားလောက်ဖြစ်မယ်။ စစ်သားက ၅၀၊ ၆၀ လောက်ရှိမယ်။ သေနတ် ၃၀ ချက်လောက်ပစ်တယ်။ ငါတို့လည်း ကြောက်ကြောက်လန့်လန့်နဲ့ ခြုံတွေကြားမှာပြေးကြရင်း အဖွဲ့ ၃ ဖွဲ့ခွဲပြီးတော့ပြေးကြတယ်။ တခြား အဖွဲ့တဖွဲ့ကတော့ ရဟတ်ယာဉ်ပေါ်ကနေလည်း သေနတ်နဲ့ပစ်တယ်လို့ပြောတယ်။ သူတို့က ငါတို့ကို CDF လို့ထင်တာနေမှာ။ ဒဏ်ရာရရှိတဲ့သူတော့မရှိဘူး။ မီးကြိုးသွယ်တဲ့နေရာက ဂေါက်ကွင်းအောက် လမ်းအသစ်ဖောက်ထားတဲ့နေရာမှာ သွယ်ကြတယ်” လို့ပြောပါတယ်။

(Zawgyi)

ဟားခါးၿမိဳ႕သစ္စီမံကိန္းမွာ မီးႀကိဳးသြယ္ေနတဲ့လူငယ္ေတြကို ရဟတ္ယာဥ္ေပၚကေန ပစ္ခတ္ျဖစ္ပြား

ဟားခါးၿမိဳ႕ ၿမိဳ႕သစ္စီမံကိန္းေဖာ္ေဆာင္တဲ့ေနရာမွာ မီးႀကိဳးသြယ္တန္းေနတဲ့ လူငယ္ ၂၀ ခန႔္ကို စက္တင္ဘာ ၃ ရက္ ေန႔လည္ ၁ နာရီေလာက္က စစ္ေကာင္စီတပ္ေတြက ေျမျပင္နဲ႔ ရဟတ္ယာဥ္ေပၚကေနပါ ေသနတ္နဲ႔ပစ္ခတ္ၾကတယ္လို႔သတင္းရရွိပါတယ္။

ယင္းၿမိဳ႕သစ္စီမံကိန္းဟာ NLD အစိုးရလက္ထက္က ေျမဧက ၆၀၀ ေပၚေဖာ္ေဆာင္ခဲ့တာျဖစ္ၿပီး စစ္ေကာင္စီအဖြဲ႔က ဆက္လက္လုပ္ေဆာင္ၾကတာျဖစ္ပါတယ္။

မီးၾကိဳးသြယ္တန္းရာတြင္ပါဝင္တဲ့ ဟားခါးၿမိဳ႕ လူငယ္တစ္ဦးက “လူကေတာ့ ၁၅၊ ၂၀ ေယာက္ေလာက္ရွိမယ္။ စစ္သားေတြက ဘယ္လိုနဲ႔ ငါတို႔နားေရာက္လာၾကတာလဲဆိုတာမသိဘူး။ ငါတို႔ကိုလာပစ္တာ ေန႔လည္ ၁ နာရီ ၁ နာရီခြဲၾကားေလာက္ျဖစ္မယ္။ စစ္သားက ၅၀၊ ၆၀ ေလာက္ရွိမယ္။ ေသနတ္ ၃၀ ခ်က္ေလာက္ပစ္တယ္။ ငါတို႔လည္း ေၾကာက္ေၾကာက္လန္႔လန္႔နဲ႔ ျခံဳေတြၾကားမွာေျပးၾကရင္း အဖြဲ႔ ၃ ဖြဲ႔ခြဲၿပီးေတာ့ေျပးၾကတယ္။ တျခား အဖြဲ႔တဖြဲ႔ကေတာ့ ရဟတ္ယာဥ္ေပၚကေနလည္း ေသနတ္နဲ႔ပစ္တယ္လုိ႔ေျပာတယ္။ သူတို႔က ငါတို႔ကို CDF လုိ႔ထင္တာေနမွာ။ ဒဏ္ရာရရွိတဲ့သူေတာ့မရွိဘူး။ မီးၾကိဳးသြယ္တဲ့ေနရာက ေဂါက္ကြင္းေအာက္ လမ္းအသစ္ေဖာက္ထားတဲ့ေနရာမွာ သြယ္ၾကတယ္” လုိ႔ေျပာပါတယ္။