ကလေးမြို့နယ်တွင် တပ်မတော်သား မဲပေးပိုင်ခွင့်ရှိသူတွေ နီးစပ်ရာမဲရုံများတွင် မဲပေးရန်စီစဉ်

ကလေးမြို့နယ်တွင် မဲပေးပိုင်ခွင့်ရှိတဲ့ တပ်မတော်သား ငါးထောင်ကျော်ရှိပြီး ၎င်းတို့အတွက် မဲရုံသီးသန့်မရှိဘဲ နီးစပ်ရာမဲရုံများတွင် မဲပေးရန်စီစဉ်ထားတယ်လို့ ကလေးမြို့နယ် ရွေးကောက်ပွဲကော်မရှင် ဥက္ကဌ ထံမှသတင်းရရှိပါတယ်။

ကလေးမြို့နယ် ရွေးကောက်ပွဲကော်မရှင်အဖွဲ့ခွဲရုံး ဥက္ကဌ ဦးဂင်ခန့်ပေါင်က “တပ်မတော်သားတွေတွက် မဲရုံသပ်သပ်မထားဘူး။ သူတို့နေထိုင်တဲ့တပ်ရဲ့ နီးစပ်ရာကျေးရွာ ဒါမှမဟုတ် ရပ်ကွက် မဲရုံမှာပဲ မဲသွားထည့်ရမယ်။ ၈၉ တပ်ရင်းဆိုရင် အောင်ဇေယျရပ်ကွက်မဲရုံမှာ၊ ထောက်ပို့မှာနေတဲ့သူတွေဆိုရင် တပ်ဦးသီတာရပ်ကွက် မဲရုံမှာသွားထည့်ရမယ်” လို့ပြောပါတယ်။

ယခင်က တပ်မတော်သားတွေဟာ အထွေထွေရွေးကောက်ပွဲမှာ တပ်ရင်းထဲမှာပဲ မဲထည့်ကြပေမယ့် ၂၀၂၀ ရွေးကောက်ပွဲမှာတော့ ပထမဆုံးအကြိမ် တပ်ရင်းပြင်ပမှာ မဲထည့်ကြမှာဖြစ်ပါတယ်။

၂၀၂၀ ရွေးကောက်ပွဲတွင် ကလေးမြို့နယ်မှာ ဆန္ဒမဲပေးပိုင်ခွင့်ရှိသူ ၂၇၀,၀၀၀ ကျော်ရှိပြီး မဲရုံ (၁၉၅)ရုံဖွင့်လှစ်မှာဖြစ်ပါတယ်။

နောက်ဆုံးရသတင်းများ

မြန်မာ -ဘင်္ဂလားဒေရှ့်နယ်စပ်က ရန်အောင်မြင်ကျေးရွာအနီး စစ်ကောင်စီတပ်စခန်းကို AA သိမ်းယူ

၂၅၊ မတ်၊ ၂၀၂၄ Zalen မြန်မာ-ဘင်္ဂလားဒေရှ့်နယ်စပ် ရခိုင်ပြည်နယ် မောင်တောမြို့နယ်၊ ရန်အောင်မြင်ကျေးရွာအနီး စစ်ကောင်စီတပ်စခန်းကို မတ်လ ၂၃ ရက်မှာ သိမ်းယူခဲ့တယ်လို့ ရက္ခိုင့်တပ်တော် (AA) က မတ်လ ၂၄ ရက်မှာ ထုတ်ပြန်ပါတယ်။ ...

ဆက်ဖတ်ရန်